Sampaw-sampaw nga kaso ang ginapangatubang karon sang mga miyembro sang budol-budol group nga nadakpan sang kapulisan sa banwa sang Banate sang nakaligad nga Biyernes.
Ginpahayag ni Police Chief Inspector Juvy Cordero, hepe sang San Jose PNP sa probinsya sang Antique nga kaso nga estafa ang ila ginpasaka sa natungdan nga grupo kon sa diin nabiktima sini ang isa ka retired teacher.
Samtang, dugang nga kaso ang gina-atubang sang mga ini matapos makuhaan sang mga armas luthang,kag illegal nga druga sang madakpan sang mga kapulisan sa banwa sang Banate, Iloilo.
Kadungan sini, nagapanawagan si PCI Cordero sa iban pa nga nabiktima sang budol-budol group nga magpasaka man sang kaso batuk sa mga ini agud mas mangin mabug-at ang kaso sang mga ini. (sspunay)
