BUGAS | Sec. Piñol indi mapasalig nga mangin barato ang bugas

Indi mapasalig ni Agriculture Secretary Manny Piñol nga himuon nga mas barato pa ang ginabaligya nga bugas sa mga bugas sang masa tienda.

Ini bangud wala sang subsidy ang gobyerno sa masa tienda nga may katuyuan lamang nga pagahugpungon ang mga mangunguma kag consumers agud direkta nga ibaligya ang ila produkto sa manubo nga presyo.

Suno sa iya nga mahimo mapierde ang mga mangunguma kon itupong ini sa presyo sang barato nga NFA rice.

Dugang pa ni Piñol nga amat-amat naman nila nga pagabuksan sa tagsa ka rehiyon ang rolling stores.

Plano nila nga hatyagan sang 20 million pesos nga kapital ang isa ka kooperatiba sa Negros Occidental nga magabakal sang bugas sang mga mangunguma.

Ini magluwas pa sa 20 million nga production loan nga mahimo makabenepisyo sa mga mangunguma.