BACOLOD CITY – Wala gid kadudlaan, isa na naman ka lalaki ang nabiktima sang “bugaw” halin sa Bacolod Public Plaza sini gid lamang nga kaagahon.
Ang biktima isa ka 52 anyos nga lalaki, soltero kag taga banwa sang Ilog.
Suno sa biktima nga mga la 1:45 kaina sang kaagahon, samtang nga ini siya ang ara sa 888 Pension house sa downtown area, Bacolod City, may isa ka bugaw nga nagpalapit sa iya nga gintawag lang sa ngalan nga Mae.
Ginpahayag sang biktima nga nagtanyag si Mae sa iya nga kon luyag niya magkuha sang chicks, may ara sa plaza.
Kag bangud nga “feel” man sang amo nga lalaki ang hingalit nga kalipay, nagpasugot ini kon diin naghatag siya sang 1k pesos sa bugaw, apang nagsiling nga ibalik ang sinsilyo nga P500.
Apang, nadugayan lang hulat si biktima, wala gid sang nakabalik ang bugaw, wala na chicks, kwarta nadagit pa./dyHB BACOLOD
