Lauman nga dugokon sa bagang duot sa katawahan ang lungsod sa Sirawai ilabi na ang mga nagagikan sa kasikbit niini nga kalungsuran may kalabutan sa ilang ika 50 na ka tuig sa munisipyo sukad sa pagka himugso karong adlawa.
Ang maong kasaulogan gitawag kini ug Bugwakan Festival 2018 nga kung diin nagsugod ni kaniadto pang petsa 9 ug naghimo sila ug grand parade sa ilang opening.
Naka han-ay na ang ilang mga aktibidades, karong adlawa gilangkuban kini sama sa pagpahigayon ug grand mass sundan kini sa Bugwakan street dancing, Bugwakan Ritual Showdown.
Pagka 1:00PM isip paghatag ug lingaw sa kawtahan dalitan ni Mayor Gamar Jahinim ug libreng konserto ang mga dumoduong ang ilang naimbitahan nga mo hatag ug lingaw sa katawhan mao si Ka Fredie Aguilar didto sa Sirawai Gymnasium.
Kalabot sa maong kalihukan mipaabot usab ug mensahe ang amahan sa probinsya nga si Gov. Roberto Y. Uy sa ika 50 ka tuig nga anibersaryo sa lungsod sa Sirawai. Matod niya “Let us not only be thankful one day a year but celebrates the greatness of our God with thanks everyday.”
Samtang hugot usab ang pagpatuman sa seguridad sa kapulisan sa maong lungsod sa pagpangulo sa hepe nga si P/Insp. Pocholo Gerero aron sa ingon nga hapsay ug luwas ang mga bisita nga buot mo saksi sa talagsaon nga kalihukan sa Sirawai.
