Davao City – Gipriso na karon sa Buhangin Police Station ang upat ka mga lalaki human nadakpang nagpasabong (tari-tari) sa Suraya Subdivision, Cabantian, Buhangin, syudad sa Davao alas 11:00 sa udto.
Subay sa report sa Buhangin PNP, usa ka concerned citizen ang nagpahibalo sa kapolisan mahitungod sa natigayong sabong sa maong lugar nga miresulta sa pagkasikop nila Jovymar Arong, 29 anyos, Bebie Benlot, 19 anyos, Aldrin Bagnis, ug Jhony Bagnis, pulos residente sa maong lugar.
Nakumpiska sa mga awtoridad sa possession sa mga dinakpan ang duha ka manok nga gitari ug lakip na ang kwarta nga ilang gipusta.
Gihikay na ang kaso nga may kalapasan sa Presidential Decree 1602 kon illegal gambling ug pagsupak sa health protocols batok sa upat ka mga sabungero.
RadyoMaN Joel Viray
