Davao City – Anaa sa 11 ka balay ang nangaugdaw alas-2:30 Martes sa hapon human miulbo ang sunog sa Purok San Antonio Zone 2, Buhangin district ning siyudad sa Davao.
Sa interbiyu sa RMN Davao kang SFO2 Segundo Dumasig Jr., Officer In Charge sa Buhangin Fire Station, nga ila pang gina-imbestigahan kun asa gikan ang sunog diin sa initial nga imbestigasyon nga nagsugod ang kalayo sa panimalay ni Pablita Morales.
Giingon nga nagluto kini og balot niadtong tungora apan gihimakak ni Morales ang pasangil nga wala nagsugod ang kalayo sa iyang balay.
Matud ni Dumasig nga tulo ka balay ang partially damage ug walo ang totally damage diin na fire out kini pasado alas-3:00 sa hapon.
Hinuon, walay casualty o nasamdan atol sa maong.
Sa datos nga gipagawas gikan sa City Social Services Development Office kun CSSDO, walo ka house owner, 16 ka pamilya, 42 ka dependents, tulo ka sharer ug usa ka care taker ang apektado niini ug gibana-banaan nga kapin P2,000,000 ang damyos sa sunog.
Samtang ang mga nabiktima sa sunog temporaryong gihikling ug gipapuyo sa Buhangin Gym ning dakbayan kinsa gitunolan na og inisyal nga tabang sama sa pagkaon ug sapot.
RadyoMaN Don Pulayao
