Davao City – Gikalipay sa tanang barangay opisyal sa Brgy. Buhangin Proper human napili isip awardee sa gipahigayong Lupong Tagapamayapa Incentives Awards (LTIA) ceremony nga usa ka national-level competition sa tibuok Pilipinas.
Sumala ni Kap. Jerry Salvador sa Brgy. Buhangin Proper nga nakab-ot sa iyang barangay ang ‘high percentage’ sa criteria sa maayong paghusay sa mga kaso nga wala na maabot sa korte ug nahatagan na og kasulbaran diha sa ilang barangay.
Gidugang pa niya nga tulo ka level sa competition ang naagian sa Brgy. Buhangin– local, regional ug national, diin ang pasidungog kargo usab sa dakbayan sa Davao.
Mapasalamaton si Kap. Salvador gawas sa 300-mil ka pesos nga nadawat sa iyang barangay, gidungagan kini ni Mayor Inday Sara Duterte-Carpio og 300-mil ka pesos agi og counterpart sa dakbayan sa Davao nga nahimong 600-mil ka pesos.
Gikanayon niini nga ang maong kantidad dako na og tabang sa mga lupon tagapamaya ug pagpa-improve sa ilang barangay.
RadyoMaN Don Pulayao
