Davao City – Subay sa pagsi-aw sa Gangsterism sa syudad sa Davao ning bag-ong tuig, gipakusgan karon sa Buhangin Police Station ang curfew hour batok sa mga batan-on, mga menor de edad ug mga sakop sa gang nga galatagaw panahon sa lawom na nga kagabhion.
Dungan usab ani ang paglusad sa Oplan Sagop nga nagpuntirya sa pagluwas sa mga batan-on ug mga minors gikan sa mga dautang panghitabo diha sa kadalanan.
Alayon niini, nagmando si Police Major Estrello Ramiso, Buhangin Police Sation Chief ngadto sa iyang mga ginsakpan ang pagpatrolya sulod sa ilang area of responsibility aron masiguro nga walay mga minors kun mga sakop sa gang nga maglaag ug makapahigayon og riot panahon sa kagabhion.
Gipangunahan ni Police Corporal Yap sa Women and Children Desk (WCD) ang pagpatrolya sa mga nag-unang dapit sa distrito sa Buhangin apan walay ni usa ka menor de edad ang ilang naabtan sa kadalanan.
RadyoMaN Joel Viray
