Davao City – Human mibaniog nga dakong buhi diay si Margie Albarico kinsa unang gikataho nga chop-chop victim nga nakaplagan sa may Cabantian Road giangkon karon ni Police Chief Inspector Jack Tilcag, Hepe sa Buhangin PNP nga nalisdan sila karon sa imbestigasyon karon nga buhi diay ang maong babae.
Hangtud karon blangko pa gihapon ang mga imbestigador sa motibo maingon ang anaa sa likod sa mangilngig nga krimen.
Giingon ni Tilcag nga ila na gisubay ang lugar apan ang CCTV camera sa mga establisimiento apan wala maka-capture sa tawo o sakyanan nga nagbilin sa biktima.
Dugang sa hepe nga bisan ang mga naninda og balut ug mga empleyado sa mga bakery wa sa’y namatikdan nga katingad-an niadtong higayona.
Gibarugan sa opsiyal nga dili sa Buhangin area nahitabo ang krimen ug posibleng gibilin ang chop-chop nga lawas.
Ug tungod ani, nanawagan ang opisyal sa mga pamilya nga nawad-an og miyembro sa pamilya nga makigkoordinar sa ilaha aron sa posibling pag-ila sa biktima nga naa karon sa Angel Funeral sa dalang Torres ning dakbayan.
RadyoMaN Joel Viray
