Davao City – Nanawagan karon ang Buhangin PNP ngadto sa katawhan nga og kinsa man ang makakita sa sakyanan ug tag-iya niini nga nakabangga sa mag-inahan sa CP Garcia Highway atubangan sa Mercury Drug nahimutang sa Robinson Highland Buhangin, Davao City April 1, 2018 alas 7 sa buntag, makigkoordinar dayon kanila.
Kahinumduman nga nabanggaan-patay ang mag-inahan nga sila Shinkichie Ocada, 15 anyos, estudyante, ug Lorie Ocada, 43 anyos, pulos nagpuyo sa Diversion Road ning siyudad diin nasayran nga mitabok ang mga biktima agi sa pedestrian lane apan pag-abot sa tunga kalit na lamang sila nadasmagan sa naghaguros nga Strada nga paingon sa dalang Maa.
Apan sa maong panghitabo, wala pa mailhi ang responsable niini hinungdan nga nanawagan karon ang Buhangin PNP nga kung kinsa ang makakita ug nakaila sa sakyanan nga mitsubishi strada color itom nga naay gasgas ug natanggal ang side mirror ug fender sa left portion sa sakyanan, mamahimong makigkoordinar gilayon kanila pinaagi sa pagtext o twag sa 09505908178 o magsend lang og mensahe sa ilang facebook account nga mao ang PS Buhangin.
RadyoMaN Renz Barbarona
