Buhangin PNP: Pagdakop sa drug suspect gigamitan og body camera

Davao City- Nagsugod na og suot og body camera ang mga elemento sa drug enforcement unit sa Buhangin Police Station atol sa ilang buy-bust operation batok sa construction worker nga namaligya og iligal nga droga sa Area of Responsibility sa Presinto 5.

Gawas sa body camera nga gibutang sa atubangan sa lawas sa pulis nga nagsilbing poseur buyer, nagmuntar usab sila og alternative recording device aron kon mapalpak ang body camera, dunay laing medyos nga recording video sa operasyon batok sa dinakpan nga giilang si Harvey Calipayan, dunay kapuyo, ug residente sa Uyanguren ning siyodad.

Nakuha sa dinakpan ang mga drug paraphernalia, mark money, droga, cellphone, ug uban pa.

Mao kini ang labing higayon nga gigamitan og body camera sa kapulisan sa Buhangin ang ilang drug operation nga gilusad sa maong lugar pasado 11:00 sa sayong kaudtuhon.

Ang unod sa video kabahin sa i-presenta sa mga otoridad kung magtaral na ang kaso sa korte batok sa suspek nga gisang-atan na og kasong may kalapasan sa Republic Act 9165 kon Comprehensive Dangerous Drugs Act of 2002.

RadyoMaN Joel Viray