Giangkon ni Major Joenel Pederio, hepe sa Buhangin PNP nga niadtong giandam nila ang kasong murder batok kang Pagatpatan wala magpakita ug interes ang amahan sa biktima nga si Rolando Lagsaway nga makig-areglo sa suspitsado.
Sumala ni Major Pederio nga kun nakig areglo pa ang pamilya sa biktima dili mapasaka ang kaso ingun man dili na mabalhin sa Davao City Jail si Pagatpatan nga principal suspek sa kaso.
Hinuon gidugang sa hepe nga mahimo man nga adunay areglong mahitabo kun ang pamilya sa biktima mu execute ug affidavit of desistance nga dili na sila intersado nga ipadayon ang taral sa hukmanan ug didto na nila kini asikasuhon sa korte pinaagi sa ilang mga abogado.
Kahinumduman nga mihungaw ang impormasyon nga nakig areglo ang pamilya sa biktima ngadto sa suspek aron i-atras ang kaso bugti sa dakong kantidad.
RadyoMaN Erin Lumosbog
