Pagadian City – Andam na ang buhatan sa Commission on Elections kon COMELEC ning dakbayan sa Pagadian sa pagpanangtang sa mga posters sa mga kandidato sa pagka senador nga wala mabutang sa gikatakdang dapit kon postering area. Kini ang gibutyag ni Atty. Jed Labador, ang City COMELEC officer ning dakbayan ngadto sa RMN DXPR team kagahapong adlawa.
Sigon pa ni Labador, adunay mga lugar nga didto pwede makabutang ang mga kandidato sa ilang mga campaign posters. Kini subay na usab sa gipagawas nga kamanduan gikan sa comelec national ilabina na nga kagahapong adlawa ang unang adlaw sa pagpangampanya sa nga kandidato sa pagkasenador.
Gimanduan ug giawhag ni city comelec officer atty. Labador ang mga local nga supporters sa mga senatorial candidates nga tangtangon ang mga posters nga anaa sa mga punu-an sa kahoy, pader, purok ug waiting shed ug ibalhin kini sa poster area sa matag lugar aron nga dili kini tangtangon sa mga personahe sa buhatan.
