Buhatan sa kasanihan nagpahimangno sa mga Iliganon sa paglikay nga mabulad sa init gikan alas nwebe sa buntag hangtud alas 3 sa hapon… Pagdala ug kanunay nga tubig gisugot!

ILIGAN CITY-  Tubig mao’y pirmi nga dad-on aron malikay sa pagka-dehydrate niining nasinati nga ka-init karon sa panahon. Kini mao’y pahimangno ni City Health Officer Dra. Cherlina Cañaveral tungod adunay dili maayong epekto sa balati-an ang grabe nga pagkabulad sa kainit sa panahon. Matud ni Cañaveral angay nga dili una mogawas sa panimalay gikan alas nwebe sa buntag hangtud alas tres sa hapon kun asa masinati ang grabe nga kainit. Gani, nagpahimangno kini sa pagdala kanunay ug paying o bisan unsa mang butang nga maka-protektar sa kainit sa panahon.