Davao City – Gikatakdang magpahigayon si Davao City Mayor Sara Duterte Carpio og panagpulong sa City Disaster Risk Reduction and Management Council (CDRRMC) dinhi sa syudad.
Sumala pa sa alkalde nga usa sa hisgutan mao ang pagpahugot sa building requirements isip pagpangdam sa kusog pa nga linog nga posibleng masinatian sa dakbayan.
“On Monday, first thing is magpatawag mi’g CDRRMC meeting and this is one of the topics nga nalista na namo nga i-discuss kung paunsa nga pahugtan nato ang atoang building requirements to withstand 7 magnitude and above na mga earthquakes,” saysay sa alkalde.
Gi-obliga usab sa alkalde ang mga nanag-iya og mga establisyemento kun unit owners nga magpahigayon og laing inspeksyon sa ilang kaugalingong structural engineers.
Samtang gi-awhag usab ni Mayor Sara ang publiko nga ipadangat sa Davao City hotline, sa 0917-131-2333 o 0919-072-2222, alang sa mga reports labot sa mga building nga ilang nakitaan og daut o guba aron malista ug ma-assess kung angay nga mahatagan og tabang sa lokal nga panggamhanan.
RadyoMaN Kirby Manzon
