Dipolog City – Nidangop sa Dipolog PNP ang usa ka biktima sa bukas U-box human ang iyang sling bag nga dunay sulod nga gadgets, kwarta ug importanting dukumento, ATM ug ID, nahanao diha sa U-box sa single motor samtang iyang giparking sa may Arrellano corner Bonifacio St. Bgry. Barra ning dakbayan sa Dipolog, nahitabo niadtong martes sa udto.
Saysay pa sa biktima nga si Jomary Macaranas, 27 anyos nga taga Brgy. Olingan, ngadto sa mga pulis imbistigador, ang iyang sling bag kolor brown nga atoa gisulod ang ID sa BIR, Philippine passport, BDO atm Card, 5 ka buok globe load card amounting to (500), 9 ka buok tnt load card amounting to (900), mga sensilyo, silver ring, Sony experia cellular phone kolor itom diha niya gibutang sa U-box sa Honda Click 150 nga giparking sa maong dapit.
Sa iyang pagbalik bandang alas 12:40 sa udto nasuta nga kang-a na ang bangko sa motor ug nahanao na ang maong sling bag.
Gituhoan niini nga pogsanong giukab sa wa mailang kawatan ang bangko sa motor ug gikuot ang sling bag sibat sa dapit.
Gisubay na sa kapolisan kon nakuha ba sa CCTV camera ang maong hitabo.
