Bukidnon-CdeO via Lantapan- Talakag road, luwas sa travellers – PNP

Gihupay karon sa Talakag Municipal Police Station ang kabalaka sa mga bumibiyahe sa national highway nga agi sa lungsod sa Talakag, Bukidnon.

Kini human adunay kabalaka sa mga travellers tungod sa nahitabo nga pagpang-ambush nga gihimo sa mga NPA ngadto kapulisan sa Ticalaan sa mao nga lungsod dili pa lamang dugay.

Sa interview sa RMN Malaybalay ngadto kang PSInsp. Jessie James Lasdoce, ang hepe sa Talakag PNP gibutyag niini nga luwas agian ang mao nga dalan agi ang Aglayan-Lantapan-Talakag – CdeO road.


Matud ni Lasdoce nga adunay mga tropa sa kasundaluhan sa maong mga dalan ilabina sa barangay Kibangay, Lantapan ug sa Tagbac, Talakag maong luwas agian ang mao nga karsada.

Una niini, gipahayag ni Lasdoce, nga ilang na-engkwentro ang mga rebeldeng New Peoples Army (NPA) sulod sa 15 ka minutes nga miambush sa mga pulis nga miresponde sa murder incident sa KM 27, Tikalaan sa Talakag, Bukidnon.

Gipaulanan matud pa sila ug bala sa mga gituhuang NPA samtang magpahigayon unta ug checkpoint sa KM 23 sa mao nga barangay ang mga pulis nga sakop sa Police Regional Mobile Force Battalion-Northern Mindanao (RMFB-10).

Nasayran nga gi-respondehan sa mga pulis ang kasong pagdunggab-patay kang Wenceslao Caumban sa KM 27.

Facebook Comments