Bukidnon FCAs makadawat sa agricultural machineries gikan sa DA-PHILMECH

24

GIPRESENTA sa Department of Agriculture Philippine Center for Postharvest Development and Mechanization (DA-PhilMech) ngadto sa provincial government of Bukidnon ang mga agricultural machineries nga gitakdang ipang-apod-apod ngadto sa Farmer’s Cooperatives and Association (FCAs), karong Pebrero 12, 2021 sa Kaamulan Open Theater, Kaamulan Park, syudad sa Malaybalay, Bukidnon.

Gipangunahan ni Regional Executive Director Carlene C. Collado, CPA, DA-Regional Field Office 10, inubanan nila Provincial Agriculturist Engr. Alson G. Quimba ug Assistant Provincial Agriculturist Jacqueline A. Lagamon, ang pag-presenta sa mga makinarya sa pagpanguma, subay sa Rice Competitiveness Enhancement Fund (RCEF)-Mechanization Program. Gihimo ang RCEF nga programa, pinaagi sa Rice Ratification Law, sa nasudnong pangagamhanan aron mapaayo ang pakig-kompetensya ug kita sa mga mag-uuma sa humay taliwala sa liberalisasyon sa polisiya sa pamaligya sa humay sa Pilipinas, kung aha gikunsidera nga nag-onang ani ug pagkaon sa nasud ang humay, hinungdan nga gihingusgan kini sa gobyerno aron hingpit makab-ot sa Pilipinas ang siguridad sa bugas humay.


Sa data gikan sa DA-PhilMech, adunay kinatibuk-ang kantidad ₱150,190,000.00 alang sa 270 units of agricultural machineries nga gilangkuban sa mosunod: four-wheel tractor nga adunay 38 number of units; hand tractor-43 units; floating tiller-63; precision seeder-2 units; walk-behind transplanter-23 units; riding type transplanter-3 units; rice reaper-30 units; cobine harvester-25 units; mechanical thresher-27 units; recirculating dryer-1 unit; ug mobile rice mill-15 units.

Pinaagi sa DA-PhilMech 10 ug sa Provincial Government of Bukidnon, mohimo kini sa pag-apod-apod sa maong mga makinarya alang sa 45 ka mga naila na nga mga benipisyaryo sa FCAs gikan sa Malitbog, Manolo Fortich, Impasugong, syudad sa Malaybalay, Dangcagan, Kibawe, Damulog, San Fernando, Cabanglasan, Lantapan, Don Carlos, Kitaotao, Maramag, Quezon, syudad sa Valencia, Kalilangan, Talakag, ug Kibawe. Ang mga benipisyaryo, gipahinumduman nga duha lamang ka mga representante niini ang mohimo sa pagdawat sa mga makinaryas aron padayon nga ma-obserbahan ang minimum public health protocols kontra COVID-19.

Facebook Comments