Bukidnon, gitay-og sa duha ka kusog nga linog kagabie

30

Gitay-og sa 5.7 magnitude nga linog kagabie kung asa ang nahimong sentro ang Kadingilan, Bukidnon.

Matud sa Philippine Institute of Volcanology and Seismology kon PHIVOLCS nga anaa sa 3 ka kilometro ang gilawmon sa pagtay-og nga nahitabo alas 10:38 kagabie sa gilay-ong 11 kilometros sa kasagpan sa lungsod sa Kadingilan, Bukidnon.


Tungod niini nasinati ang gikusgon sa musunod nga mga lugar:

Intensity V – Kadingilan, Damulog, Don Carlos, Bukidnon; Wao, Lanao del Sur Intensity IV – Kalilangan, Kitaotao, Pangantucan, Kibawe, Maramag, Quezon, and Talakag, Bukidnon; Cotabato City; Marawi City; Marantao, Lanao del Sur; Cagayan de Oro City Intensity III – Pagadian City; Davao City Intensity II – Arakan, Banisilan and M’lang, Cotabato; Kidapawan City; Dipolog City; DatuPiang, Maguindanao; City of Bayugan, Agusan del Sur; Opol, Misamis Oriental; Monkayo, Davao de Oro Intensity I- Mambajao, Camiguin

Samtang ang ikaduhang pagtay-og nahitabo pagka- 10:49 sa gabie kung asa adunay gikusgon kini nga 5.2 magnitude. Adunay kining gilawmon nga 2 kilometros ug anaa sa 10 kilometros sa kasagpan sa lungsod sa Kadingilan, Bukidnon.

Nasinati ang Intensity IV – Kadingilan, Dangcagan and Damulog, Bukidnon
Intensity III – Valencia City and Kitaotao, Bukidnon; Cagayan de Oro City; Pikit, Cotabato;City of Iligan
Intensity II – Kidapawan City; Cotabato City; Wao, Lanao del Sur



Sa karon, mukabat na sa halos 70 ka aftershocks ang natala sa Phivolcs.

Tectonic usab ang hinungdan sa mao nga pagtay-og.


Padayon pa usab ang gihimong assessment sa LDRRMC-Kadingilan kung aduna bay damyos sa mao nga linog.

Facebook Comments