Bukidnon, ipailawom sa MGCQ sugod Hunyo 1 hangtod 15, 2020

73

Ang probinsya sa Bukidnon mopailalom sa Modified General Community Quarantine (MGCQ) sugod Hunyo 1, 2020 hangtud sa Hunyo 15, 2020. Kini basi sa gipagula nga resolusyon numero 40 sa National Inter-Agency Task Force for the Management of Emerging Infectious Disease (IATF-MEID) nga nag klasipikar sa Probinsya sa Bukidnon nga low-risk o ubos sa peligro.

Ang mga musunod mao ang mga giya sa MGCQ nga ipa-implementar sa Probinsya sa Bukidnon:


1. Minimum public health standards o ang sumbanan sa kalimpyo sa panglawas sa publiko ang ipatuman sa kanunay ug tanang panahon.

2. Ang tanang katawhan gitugutan na nga makagawas sa ilang tagsa-tagsa ka panimalay. Ang pagsuot sa face mask o sampong sa nawong, kanunay nga paghugas sa kamot ug striktong pagdistansya sa uban o social distancing kinahanglan nga sundon sa kanunay.

3. Ang mga trabaho sa pampublikong buhatan pagabuksan na sa kinatibuk-ang operasyon nga kapasidad. Lakip na niini, ang mga giila o accredited diplomatic missions ug organisasyong international nga gitugutan nang makabalik sa ilang kinatibuk-ang operasyon.

4. Ang mga dine-in services nga mga establisemento nga nagbaligya ug pagkaon, gitugutan na hangtud sa singkwenta porsyento (50%) lamang nga kapasidad apan magsunod sa husto ug luwas nga protocol.

5. Ang mga industriya nga anaa sa Category II ug Category III gitugutan na nga makabukas sa kinatibuk-an. Dugang niana, ang mga barber shops o pagupitan ug salon gitugutan nga makabukas apan singkwenta porsyento (50%) lamang ang pagadawaton nga kapasidad sa maong lugar.




6. Ang mga tourist destination , travel agencies, tour operators, reservation service ug uban pang pareho ang serbisyo, gambling and betting, personal care services, gyms/fitness studios facilities, entertainment industries, kids and tourism industries, libraries, museums ug cultural centers gitugutan nga magbukas apan kinahanglan nga ang kapasidad sa lingkuran dili molapas sa singkwenta porsyento (50%) ug striktong ipatuman ang sumbanan sa kalimpyo sa panglawas sa publiko o minimum public health standards.

7. Ang mga Hotel ug susamang establismento, gitugutan na nga magbukas apan limitado lamang sa probisyon sa nag-unang mga serbisyo para sa mga bisita ug dili molapas sa singkwenta porsyento (50%) lamang sa ilang kapasidad. Gawas niana, ang uban pang serbisyo sa establisemento o ancillary establishment nga anaa sa lugar gidid-an ang operasyon.

8. Ang mga establisemento sa kalingawan ug serbisyo sulod sa mga mall gitugutan na nga magbukas apan striktong ipatuman ang sumbanan sa kalimpyo sa panglawas sa publiko o minimum public health standards.

9. Ang tanang pampubliko ug pribadong proyekto sa konstraksyon gitugutan na, apan striktong magsunod sa gipatuman nga construction safety guidelines para sa implementasyon sa proyektong imprastraktura sa DPWH.

10. Ang pag-inatubangay o pagkitaay sa klase pwedi nang ipahigayon sa Higher Education Institutions apan striktong ipatuman ang sumbanan sa kalimpyo sa panglawas o minimum public health standards, pagkonsulta sa mga LGU’s ug magsunod sa giya nga gipatuman sa CHED. Ang mga kalihukan nga naglangkob sa pagtigum sa kadaghan sa mga studyante nagpadayon nga gidid-an.

11. Ang panagtigum sa publiko, lakip na niini ang mga movie screenings, concerts, sporting events ug uban pang kalingawan nga kalihukan, community assemblies ug uban pang dili mahinungdanon nga panagtigum, gitugutan apan limitado lamang ang mga partisipante sa singkwenta porsyento (50%) sa maong lugar o kapasidad sa lingkuranan.

12. Ang mga relihiyosong panagtigum gitugutan na apan kinahanglan nga singkwenta porsyento (50%) lamang sa maong lugar o kapasidad sa lingkuranan.

13. Ang mga indibidwal ug group outdoor exercises lakip na niini ang non-contact sports gitugutan na apan striktong ipatuman ang sumbanan sa kalimpyo sa panglawas sa publiko o minimum public health standards.

14. Ang mga Clubhouses o ang mga susamang establisemento may kalabutan sa gitugutan nga non-contact sports gitugutan na apan singkwenta porsyento (50%)lamang nga kapasidad ug hustong pagsunod sa sumbanan sa kalimpyo sa panglawas sa publiko o minimum public health standards.

15. Ang pampublikong transportasyon sa mga kadalanan, riles, ug aviation sectors gitugutan na nga makabyahi, apan sa tanang pampublikong transportasyon, striktong isa (1) ka metrong distansya matag pasahero ang pagasundon ug angay nga engineering controls ang ipahimutang.

16. Ang mga pribadong sakyanan ug motorsiklo gitugutan na ang operasyon diin ang tumong mao ang mahinungdanong byahi nga nakalatid sa Inter-Agency Task Force (IATF). Ang mga pribadong sakyanan gitugutan lamang sa usa ka pasahero aron malingkuran ang front passenger seat, samtang sa front-facing seats o sa likod nga lingkuranan, dili mosubra sa duha ka pasahero kada row.

Facebook Comments