Bukidnon mopatuman sa mandato sa DILG MC No. 2020-145 nga road clearing operation

MOPATUMAN agi ug pagsunod sa mandatu ang Pangagamhanang Probinsyal sa Bukidnon sa nasudnong pangagamhanan, pinaagi sa DILG Memorandum Circular No. 2020-145, kalabut sa pagpadayon sa Road Clearing sa tibuok nasud Pilipinas nga pinirmahan ni DILG Sec. Eduardo M. Aňo, pinitsahan Octobre 27, 2020.

Niadtong Lunes, nagkatagbo ang Provincial Road Clearing Task Force (PRCTF) nga gitambungan sa mga mosunod nga opisina: Provincial Administrator’s Office, Provincial Legal Office, Provincial Engineer’s Office, PGO-Provincial Project Monitoring and Inspectorate Team, Provincial Social Welfare and Development Office, Provincial Planning and Development Office, PGO-Real Estate Housing and Development Division ug ang PGO-Public Affairs, Information and Assistance Division nga gipangunahan ni Acting Provincial Governor Rogelio N. Quiňo didto sa Kaamulan Open Theater aron hisgutan ang mamahimong pamaagi sa pagpatuman sa maong kamanduan sa DILG. Ang maong tigum, gitambungan sa DILG-Bukidnon, diin gipasabot ang maong circular pinaagi ni Ms. Maria Maida Daniot, LGOO-VII.

Ang nasangpit nga Memorandum alang sa tanang Gobernador sa Pilipinas, mga Mayor, Punong Barangays, Local Sanggunian Heads, DILG Regional Directors, ug BARMM Minister of Local Government ug ang tanang hingtungdan, nga nagkanayon nga mandatu sa mga nanganlan nga tangtangon ang mga nakasagabal sa tanang provincial, city, municipal ug barangay roads, ingon man sa national primary ug secondary roads. Angayang isiguro nga ang pampublikong lugar nga propriedad, mabalik sa katawhan alang sa pampublikong gamit.


Subay sa naonang gipagula sa DILG nga MC No. 2020-027, ang road obstructions mao ang mga gambalay, butang, o kalihukan sulod sa road right-of-way nga makababag sa libre ug hawan nga agi-anan sa motor o sa mga tawo o ba kaha makahatag peligro o makamugma ug kadaot sa mga motorista, sama sa nakaparada nga sakyanan sa ginadiling lugar, wala gitugutan nga terminal sa mga sakyanan, nahimong baligya-anan, nakalapas nga balay o tindahan sa dalan ug uban pa.

Alayon niini, gilauman nga mahuman sa PRCTF ang Road Inventory and Clearing sa dili pa ang Enero 15, 2021 nga gisugdan niadtong Nobyembre 16, 2020.

Facebook Comments