Bukidnon, nagpatuman ug moratorium sa pagpanguli sa mga LSI

45

Nagpatuman sa duha ka semanang moratorium ang probinsya sa Bukidnon sa pagpanguli sa mga locally stranded individual kon LSI.

Sa interview sa RMN Malaybalay ngadto kang Engr. Carmelo Libot ang provincial director sa Department of Interior and Local Government kon DILG Bukidnon gibutyag niini nga usa kini sa ilang nahisgutan sa ilang gihimo nga emergency meeting kagahapon sa Bukidnon Provincial Inter-Agency Task Force on COVID-19.

Nagsugod ang motarium kagahapon, Setyembre 21 ug mulungtad sa Oktubre 4 ning tuiga subay sa na-aprubahan sa regional IATF.

Nasayran nga una nang nagpasar ug resolution ang Sangguniang Panlalawigan address sa Regional 10- IATF nga tugutan nga magpatuman sa moratorium sa pagpanguli sa mga LSI sa duha ka semana aron makapahigayon ug pag-disinfect ug para maluag-luagan ang mga quarantine facilities.

Alayon niini, gitambagan ni Director Libot ang publiko nga kung adunay kaila ug kaliwat nga mu-uliay sa Bukidnon nga sundon ang mao nga moratorium ug makiglambigit sa mga local government unit.

Gituyo matud pa ang mao nga moratorium aron maka-relax ang mga LGUs tungod usab sa mga natala nga local transmission sa pipila ka mga lungsod ug siyudad sa probinsya.

Wala usab matud pa kini nagpasabot nga undangon na sa hingpit ang pagpandawat sa mga LSI kon dili temporaryo lamang kini nga moratorium.




Facebook Comments