Bukidnon, nakatala na ug 223 nga total confirmed case sa COVID-19

35

Nakatala na ang probinsya sa Bukidnon ug 5 nga namatay tungod sa COVID-19.


Kini human nga adunay upat ka bag-ong death cases ang nadugang nga taga Impasug-ong (1), San Fernando (1) ug Talakag (1) ug usa usab sa Malaybalay.

As of kagahapon, (September 16, 2020) , aduna nay 223 ka total confirmed cases sa COVID-19 sa Bukidnon.

Sa mao nga ihap, 167 ang na-ayo na, 3 ang admitted, 48 ang out-patient samtang 5 ang namatay.

Samtang sa Malaybalay, adunay 4 ang nadugang kagahapon lamang, kini ang confirmned case number 45, 46, 47 ug 48.

Sa upat, usa niini ang namatay nga mao ang case number 45.

Usa kini ka 71 anyos nga babaye nga nagpuyo sa Barracks Compound sa Brgy. 7 ning siyudad.




Niadtong Setyembre 13, gidala kini sa BPMC ug negatibo sa rapid test.

Gi-refer kini sa Malaybalay Medical Hospital apan gi-refer ug balik sa BPMC aron ipailawom sa swab test.

Niadtong September 14, namatay ang pasyente tungod sa acute respiratory failure secondary to community acquired pneumonia-high risk.

Kagahapon sa udto, nigawas ang resulta sa RT-PCR test kung asa nagpakita nga positibo kini sa COVID-19.

Sa interview sa RMN ngadto kang Nene Belisario, ang spokesperson sa IATF-Malaybalay gibutyag ninii nga human nga nigawas ang resulta, gilayon nga gimando ang pagpahigayon ug contact tracing.

Nasayran ang si case number 45 nagpuyo kauban ang iyang anak nga lalaki nga usa ka pulis ug gikonsiderang frontliner.

Tanang 7 nga miyembro sa pamilya sa ilang panimalay ang gitambagang ipailawom sa istriktong home quarantine ug gipailawom sa swab test.

Facebook Comments