Nisaka pa sa 58 ang total confirmed case sa COVID-19 sa probinsya sa Bukidnon as of July 13, 2020 alas 4 sa hapon.
Kini human nga adunay 4 ka mga bag-ong kaso ang nadugang kagahapon.
Sa mao nga ihap, 3 ang admitted, 46 ang out-patient, 9 ang nakarekober samtang walay namatay.
Samtang sa gihimo nga panagtigum kagahapon gibutyag ni DOH 10 Regional Director Dr. Adriano Suba-an nga kinahanglan lang sa Bukidnon ang containment ug isolation.
Sa interview sa RMN ngadto kang Maria Maida Daniot, ang local government operations officer sa DILG gibutyag niini nga gihisgutan sa mao nga panagitugm kung unsaon ma-contain ang pagkatag sa virus sa lalawigan.
Gikataho usab daw ni Dr. Subaan nga walay community transmission sa tibook rehiyon 10.
Nasayran nga pulos nga LSI’s ug ROF’s ang mga nadugang kaso sa COVID-19 sa probinsya.
Kinahanglan lang matud pa nga han-ay ang mga isolation facility sa matag lokalidad aron dili mukaylap ang sakit sa komunidad.
Naghisgutan usab ang pagpangandam sa mga LGU’s sa ilang mga city o municipal isolation facility.
