Bukidnon pabilin nga ASF free; online seller gitutukan sa PVET

29

Nagpabilin hangtod karon nga African Swine Fever kon ASF Free ang probinsya sa Bukidnon.


Sa interview sa RMN ngadto kang Provincial Veterinarian Dr. Nancy Diez, gibutyag niini nga bag-o lang sila nagkuha ug blood sample sa mga baboyan sa mga lungsod sa San Fernando, Cabanglasan ug Kitaotao ug nigawas sa resulta nga negatibo kini sa ASF.

Apan nabalaka matud pa sila tungod kay gipalibutan na karon ang Bukidnon ug mga probinsya nga aduna nay presensya sa ASF ilabina sa North Cotabato ug Davao del Norte.

Gikatarungan ni Dr. Diez nga daghan kaayo ug entry points ang rehiyon 10 nga naa sa Bukidnon maong doble kayod sila sa kampanya aron dili masudlan sa ASF ang probinsya.

Gibutyag usab niya nga ni-aging semana adunay gihimong raid sa bangkerohan sa Davao tungod kay nahibaw-an nga positibo sa ASF ang chorizo de davao.

Nabalaka sila tungod kay daghan matud pang chorizo nga gikan sa laing probinsya nga nakalusot pasulod sa Bukidnon.

Mahinumduman nga niaging tuig adunay executive order nga gipagawas ang Provincial Government of Bukidnon nga nag-ban o nag-dili sa pagsulod sa tanang pork products sa lalawigan.




Usa sa problema matud pa karon sa Provincial Veterinary Office ang pagregulate sa online selling.

Sa karon, kamulo na daw nga gi-amendahan ang EO 26 aron mabutang dinhi ang pagdili sa pagbaligya online sa mga pork products ilabina kung kini gikan sa gawas sa probinsya.

Facebook Comments