Bukidnon Provincial Task Force on Infectious and Contagious Animal Diseases nagpahigayon sa emergency meeting

23

GIPAHIGAYON sa Pangagamhanang Probinsyal sa Bukidnon ang emergency meeting sa Provincial Task Force on Infectious and Contagious Animal Diseases aron mapadangat ang briefing sa ulahing kalambuan sa monitoring sa probinsya batok sa African Swine Fever (ASF) ug mahisgutan ang mga nagkalain-laing concerns sa mga miyembro niini, sa pagpanguna ni Acting Provincial Governor Rogelio N. Quiňo, inubanan sa pag-abag ni provincial administrator Atty. Jay S. Albarece ug Provincial Veterinarian Nancy V. Diez, kaganihang buntag-Pebrero 22, 2021 sa PPDO Conference Room, Capitol Compound, syudad sa Malaybalay.

Gipamahayag ni Acting Governor Quiňo nga karon nga napalibotan na ang Bukidnon sa mga silingang probinsya ug syudad niini nga nag-positibo sa ASF, angayang mapahugtan ug mapalig-on pa ang mga pasiuna ug mga lakang sa paglikay nga makasulod sa probinsya ang makatakod sa hayupang-baboy nga virus ug sa ingon ma-protektahan ang hog raiser industry sa lalawigan.


Sa briefing ni Dr. Diez, nasayran nga mas daghan ang ihap sa mga number of heads sa baboy sa commercial farms nga adunay 186,470 gikan sa 121 number of farms; samtang 144,098 number of heads sa baboy gikan sa kinatibuk-ang 8,995 households ang namuhi sa baboy. Base sa zoning areas, ang Bukidnon anaa sa green zone – buot pasabot ASF free kini ug mamahimo nga maka-deliver ug makabaligya sa baboy ngadto sa ubang zone areas sama sa red area nga gi-markahan usab nga positibo sa ASF ug dili pwede nga muadto sa green zone. Gipasiguro usab ni Acting Governor Quiňo nga makatunol ngadto sa pinaka-ubos nga hut-ong sa tigpatuman sa balaod kontra ASF ang national guidelines diha sa pagsiguro nga nakalinya usab dinhi ang lokal nga balaodnon.

Tinguha sa Task Force nga mas mapalapdan ang Information, Education, Communications (IEC) Campaign sa Bukidnon kontra ASF ngadto sa katawhan nga dili gayud magpasulod ang probinsya sa Bukidnon sa baboy ug mga by products sa karneng baboy, ingon man ang pakigtimbayayong sa kapulisan ug mga lumilihok sa barangay aron kung adunay ma-report nga kamatay sa mga baboy, diretso kining maaksyunan sa Task Force sa tinguha nga mapatuman gilayon ang 1-7-10 protocols [.5 km radius quarantine area; 7-km radius surveillance area; ug 10-km control area gikan sa posebling apektadong barangay o purok].

Alayon niini, gitakda sa umalabot Lunes – Marso 1, 2021, ang panagtagbo sa Provincial Task Force on Infectious and Contagious Animal Diseases aron usa-usahon paghatag ug aksyon ang mga natumbok nga priority areas sa nahitabong emergency meeting kaganihang buntag nga gitambongan sa Burau of Animal Industry-Region 10, Provincial Agriculture, PGO-Provincial Disaster Risk Reduction and Management Division, Provincial Legal Office, PGO-PAIA, NorMinHog, PNP-OIC Provincial Director Jun Mark J. Lagare, ug gitimbongan usab kini through online sa City/Municipal Veterinary Officers ug Agriculturists.

Facebook Comments