Bumilib at naging emosyonal ang mga hurado at manonood sa ipinamalas na talento ng isang bulag at may autism na contestant sa America’s Got Talent, Martes.
Nakatanggap ng standing ovation at kauna-unahang golden buzzer ngayong season ng AGT si Kodi Lee, 22 anyos, na tumugtog at umawit ng kanyang version ng “A Song for You” ni Leon Russell.
“Everybody needs a voice and an expression, and I really feel your heart, your passion. Your voice blew all of us away,” ani ng huradong si Julianne Hough na hindi napigilang umiyak sa performance ni Lee.
“What just happened there was extraordinary — I mean really extraordinary,” ani Simon Cowell. “Thank you so much for trusting us on this show. I’m going to remember this moment for the rest of my life.”
Hindi rin napigilan maging emosyonal at mamangha ng huradong si Gabrielle Union na siyang pumindot ng golden buzzer, na magdadala kay Lee diretso sa finals.
