Ginhatag ni Governor Arthur Defensor ang cheke nga nagabalor sang 100 mil pesos sa Pamilya Demafelis bilang financial assistance sa mga ini angut sa brutal nga pagpatay kay Joanna Demafelis sa Kuwait.
Ginbaton ni Jojit Demafelis kaupod sang iya manghod nga si Joyce kag tiyo nga si Kagawad Pablo Demafelis ang nasambit nga tseke sa opisina sang gobernador kahapon sang aga.
Ginpahayag ni Jojit nga daku nga bulig sa ila ginikanan para sa matag-adlaw nga galastuhan kag sa pag-proseso sang kaso ni Joanna ang nasambit nga financial assistance gikan sa provincial government.
Ginhingyo man sang pamilya ang bulig sang gobernador agud mahatagan sang hustisya ang kamatayon ni Joanna.
Nagpahayag man sang pagpasalamat si Jojit Demafelis sa OWWA, DOLE, kag sa LGU sang Sara sa mga ginhatag nga bulig kag financial assistance nga nabaton sang ila pamilya./
