CAPIZ – Makabaton sang bulig ang mga operators sang punong sa Capiz nga nahalitan sang malapnagon nga pagbaha sang nagpanalasa ang Bagyong Agaton sa probinsya, ini ang ginpasalig sang Bureau of Fisheries and Aquatic Resources (BFAR)-Capiz.
Ginpahayag ni Provincial Fisheries Officer Edwin Javier nga makabaton sang bangus fingerlings ukon similya ang mga naapektuhan nga operators sang punong ukon sangha.
Katuyuan sini nga mabuligan agud makabangon ang mga fishpond operators bangud isa ini sa mga sektor nga nagapasanyog sa ekonomiya sang probinsiya kag nagahatag sang pangabuhianan sa mga pomuluyo.
Pagatinguhaan man ni Javier nga makapangayo sang bulig nagikan sa BFAR- National Office agud mapasangkad pa gid kag madugangan ang bulig nga igahatag sa mga operators sang punong.
