Bulkang Kanlaon, nagbuga muli ng mahigit anim na libong tonelada ng asupre sa isang araw

Nagtala ang Bulkang Kanlaon ng 6438 toneladang asupreng ibinuga nito sa loob lamang ng ilang oras.

Ayon ito sa huling monitor ng Philippine Institute of Volcanology and Seismology (PHILVOLCS).

Naiulat din ng ahensya na nagkaroon ng 23 volcanic earthquakes ang nasabing bulkan kung saan tuloy-tuloy pa rin ang pamamaga nito.

Dahil dito, nakataas pa rin sa Alert Level 3 ang bulkan at patuloy ring pinag-iingat ang lahat sa posibleng mangyari sa aktibidad nito.