Bullying hinungdan sa duha ka insidente sa pagpangdunggab

Davao City – Walay nakitang foul play ang Sasa PNP sa kamatayon sa usa ka gi-bully pasado alas 5:00 sa hapon kagahapon.

Nakaangkon og samad sa likod si Jinggoy Sandoval, 17 anyos, human siya gidunggab sa kaugalingon nga pag-umangkon nga si alyas Bebe nga nahitabo sa Isla Verde ning siyudad.

Nasayran nga igo lang unta gibadlong sa biktima ang suspek nga dili patulan ang nangbully kaniya apan nasuko kaniya si alyas Bebe mao giluba kini sa dihang nakatalikod ang biktima.


Samtang lain sab nga insidente sa pagpangdunggab sa usa ka Badjao ang natigayon sa sa Purok 3 Eslaverde Brgy. 23-C ningdakbayan alas 5:30 kagahapon.

Sa report gikan sa Sta. Ana PNP, ang biktima naila nga si Jinggoy Salasanid, 23 anyos, residente sa nasampit nga lugar samtang ang suspetsado ang iya ra nga pag umangkon, usa ka menor de edad, 14 anyos, ginganlang alyas Nard.

Matud pa, ginabully sa suspek ang biktima hinungdan nga nisangko sa kasuko sa menor de edad dayun mikuha og kutsilyo ug walay daghan istorya dayon dunggab tumong sa likod sa liog nga bahin sa lawas sa biktima.

Ang parehong mga biktima daling gidala sa Southern Philippines Medical Center aron matambalan samtang kaso giduso na sa barangay level.

RadyoMan Joel Viray / RadyoMan Don Pulayao

Facebook Comments