Davao City – Bullying ang motibo sa pagsablig og binukal nga tubig ngadto sa usa ka biktima nga si Gil Bryan Pabilan, 38 anyos, human nga mireklamo ug nagpatabang Sta. Ana PNP.
Atol sa interview sa RMN Davao kang Damiana Alibo, inahan sa suspek nga si alyas Adrin, giingon niini nga kanunay ginasungog ang iyang anak sa biktima.
Matud pa sa inahan, gawas nga ginabully ang suspek ginapasanginlan pa ang iyang anak nga nagatulak og iligal nga droga sa maong barangay hinungdan nga nibati kini og kasuko.
Kahinumdoman mikaon ang biktima ngadto sa karenderia sa ginikanan sa suspek ug tungod sa kasuko nakahigayon ang suspek sa pagsablig og ininit nga tubig ngadto sa biktima hinungdan sa pagkapaso sa liog ug sa tuong bahin sa abaga ni Pabilan.
Samtang sa nakuha usab nga pamahayag sa DXDC ngadto sa biktima, nakapasaka na sa kapolisan og kaso batok sa suspetsado kinsa nagpabilin pa karon nga gawasnon.
RadyoMaN Don Pulayao
