Davao City- Gawas sa kasong rape, magatubang usab og kasong administratibo ang bombero kinsa giakusahang milugos sa tulo niini ka mga menor de edad nga mga anak.
Atol sa interview sa DXDC RMN Davao kang Bureau of Fire Protection XI (BFP-XI) Spokesperson Fire Inspector Patricio Brañanola, padayon silang nakigkoordinar sa kapulisan alang sa imbestigayon sa maong kaso.
Dugang ni Brañanola, ang DSWD mutabang sa pamilya sa suspetsado alang sa intervention ug assistance.
Sa pikas bahin, giklaro ni BFP Fire Investigator Senior Fire Officer 1 Ramil Gillado nga dili makadaot ug makaapekto sa ilang trabaho ang kasong giatubang sa usa nila ka membro nga gikatahong nanglugos sa iyang tulo ka mga anak.
Dugang ni Gillado dili makadaot ug makaapekto sa ilang pagserbisyo sa katawhan ang kaso nga atubangon sa ilang kauban sa buhat.
