BUMISITA | Pangulong Duterte, binisita ang mga sugatang sundalo na nakipaglaban sa ASG sa Sulu

Binisita kahapon ni Pangulong Rodrigo Duterte ang nasa 21 sugatang sundalo na nakipagbakbakan sa Abu Sayaff Group sa Sulu.

Ayon kay Special Assistant to the President Bong Go – ginawaran ng Pangulo ang mga sundalo ng order of lapu-lapu at nagpaabot din ng tulong pinansyal, relo, cellphone at gun certificate.

Pinasalamatan ni Pangulong Duterte ang mga sundalo dahil sa hindi matawarang serbisyo at kabayanihan.

Ang mga sundalo ay patuloy na nagpapagaling sa Camp Teodulfo Bautista Hospital.