Bunawan shooting incident: Suspek patay, usa ka pulis samdan

Davao City – Patay human nakigpinusilay sa mga kapulisan ang suspek kinsa adunay standing warrant of arrest sa kasong homicide ug usa usab ka pulis ang samdan sa may Sitio Mahayag Gatungan Bunawan karong buntag.

Sa eksklusibong interbyu sa RMN Davao kang Bunawan PNP station commander Police Major Noel Villahermosa nga atol sa checkpoint inay muhunong ang suspek nga giilang si Basilio Moteroso Obrigoso, 46 anyos, residente sa Piatos, San Isidro, Bunawan nisutoy kini og nakigpinusilay sa mga pulis hinungdan sa pagkaangol sa usa sa mga personahe nga giilang si Police Cpl. Joel Villegas.

Nikasa og hot pursuit operation ang mga awtoridad ug na-neutralisa ang suspek.


Segun ni Villahermosa nga narekober sa posisyon ni alyas Basilyo ang .45 nga pusil.

Gidala sa Southern Philippines Medical Center ang samarang pulis ug gikatakda kining operahan.

RadyoMaN Aimee Guinita

Facebook Comments