Davao City – Bisan og hugot gipatuman ang kampanya batok illegal gambling ngadto sa ilang area of responsibility, aduna gihapoy mosupak nga gahi og ulo hinungdang nasikop sa kapulisan sa Bunawan PNP ang usa ka lalaki human nagpalast two alas 7:40 sa gabii atol sa gilusad nga Anti-Illegal Gambling Operation didto sa Km. 21 Budbud, Bunawan siyudad sa Davao.
Subay sa blotter sa Bunawan PNP, ang dinakpan naila sa pangalang Vicente Apostol Valmoria, 35 anyos, nagpuyo sa nasangpit nga lugar.
Matud pa sa dihang gilusad ang operation wa ka bantay ang suspect nga mga awtoridad ang iyang katransak niadtong tungora resulta nga nagpataya ug last two hinungdan sa hinanaling pagkasikop.
Narekober kang Valmoria ang usa ka last two stub, bet money nga 140 pesos ug uban pang mga illegal paraphernalia.
Ang dinakpan nga si Valmoria balhog na sa Bunawan PNP ug gihikay na sa kapolisan ang iyang kasong kalapasan sa Republic Act 9287 kun Illegal Gambling.
RadyoMaN Don Pulayao
