Pilason nga gindala sa West Visayas State Uniuversity Medical Center ang mag-live in partner nga sanday Rolito Cordero kag Evelyn Desierto sang banwa sang Estancia, Iloilo.
Ini matapos binungguan sang taxi ang ila ginasakyan nga motorsiklo sa circumferencial road sa barangay Tacas, Jaro kagab-i.
Nakaagum sang pilas sa nagkalain-lain nga bahin sang ila lawas ang mag-live in matapos matumba ang ila motorsiklo sang bungguan sang taxi nga ginamaneho ni Ronie Caballero, 32 anyos sang banwa sang Oton, Iloilo.
Ginpahayag ni Caballero nga halin siya sa barangay Buhang sang masugata niya ang motorsiklo nga naga-signal patuo apang hinali ini nga nagliko pa-wala kabangdanan nga iya ini nabungguan.
Gilayon naman nga nagsungka sa Jaro PNP si Caballero kasunod sang nasmabit nga insidente.
