Bunkhouse uput na fuego

7

Ya rasa el fuego con el un grande bunkhouse con 20 maga posicion na Morning Breeze, Tugbungan enantes tarde.
Asegun con el dueño del bunkhouse si Butch Balismo quien tambien ta dueña con el lumberyard, el maga ocupantes del su bunkhouse amo su mismo maga trabajante del lumberyard.
Serca man alas 4 del tarde cuando ya entabla le para na su bunkhouse despues le sabe que ta quema ya el propiedad.
Ya habla si Balismo dayun tambien sila ya reprta na bumbero el quema pero llejero asegun lambe el fuego na entero istractura porcausa hecho este de palo y aquel hora bien fuerte el biento.
Asegun con Balismo mayorparte del maga ocupante del su bunkhouse amo su maga trabajante quien ta esta libre mientras el otro ta queda amo maga trabajante tambien del un fishing company.
Mientrastanto, el abogao Jufel Brañanola el city fire marshall ya habla el incendio ya declara fire out alas 5 del tarde mientras P200,000 el estimao destroso.
El fuego asegun ya comensa na lugar donde ta esta si Charlie Ebol unu del maga trabajante di Balismo na lumberyard.
Suna total 20 familia con 93 miembro del familia el sale afectao na quema.

Facebook Comments