Buntis congress, gipahigayon sa municipal health office sa Mambajao

Nagpahigayon og Buntis Congress ang municipal health office sa Mambajao karong adlawa nga gihimo sa Camiguin convention center.

Dinhi giaghat ang mga mambos nga mosalmot sa maong panagtigom aron matudloan sa mga saktong paagi sa pag-atiman sa ilang kaugalingon ilabina sa mga unang higayon pa mahimong inahan.

Ang matag partisipante giaghat usab sa pagdala og barangay health worker kinsa moatiman kanila atol sa asembliya.

Ang buntis congress usa ka awareness campaign project alang sa mga mabdos isip pagsuporta sa maternal ug child health.