Davao City – Gikustodiya na sa Talomo PNP ang main suspect sa pagtulis ug pagdunggab sa burger crew sa Catalunan Pequeño, Davao City.
Sa pakighinabi sa DXDC RMN Davao kang outgoing kapitan sa Brgy. Catalunan Pequeño nga si Albert Baguilod kinsa naabtan sa team sa Talomo PNP, iyang gisaysay og nganong naabot kaniya ang suspek nga si March Palermo, 18 anyos, residente sa nasangpit nga lugar.
“Sa Digos siya nag-surrender sa iyahang iyaan, ang iyahang iyaan nakahuna-huna tawag og amigo nga pulis ug katong pulis naghuna-huna nga -isurrender sa akoa,” sigun sa kapitan.
Kahinumduman nga nakahiagom og daghang samad dinunggaban ang usa ka crew sa burger store sa nasangpit nga lugar nga si Michelle Marcos Tabog, 33 anyos sa dihang gidunggab kini ug gitangag sa suspek ang 7,000 pesos nga halin sa tindahan niadtong May 19, 2018.
RadyoMaN Renz Barbarona
