Dos persona muntao na auto ya sale muertop despues ya man bangga entre el un bus del Rural Transit na Tungawan, Zamboanga Sibugay del Domingo tarde.
Na report del pulis del Tungawan, ya man banggaan el un Mitsubishi Mirage auto con placa numero ACA 3079 ta maneja si Rex Arquiza Excosio, 29, de Boalan aqui na ciudad junto con Emeryl Laurice Jimenez Baird, 29, de Sto. Nino Village, Putik, de aqui siempre na ciudad, accidnetalmente yan bangga canila el Rural Transit bus ta maneja si Gene Garrata Roso, 48, casao de Purok Bliss, Pagadian City.
Resulta del incidente, todol dos maga victima ya sale muerto.
El 28 pasajero del bus ya sale tambien irido peron nohay reportao grabe.
Dos diila nombrao como canda; Ana Patricia Alterado, 19, de Davao City y si Lolita Alterado ya lleva aqui na ciudad y man confine na un hospital.
El otro maga pasajero ya continua el diila viaje na diila cada-y-cual destinacion.
El tsuper del bus bajo ya na custodia del pulis de Tungawan.
