Dos el ya sale muerto mientras 10 otro ya guinda na hospital despues el tricycle que ta munta sila yan bangga na un bus de pasagero na barrio Kimos, Siay, Zamboanga Sibugay del Lunes antede serra el noche.
Na reprt del PRO9 ta aparese un bus del Rural Transit ta manega si Christopher Tugna Deleon, 40, de Market Site, Curuan, ta carga 44 pasagero cuando accidnetalment ya bangga canila el tricycle ta manega si Fernando Malabas De Guzman, ta carga 11 pasagero despues asegun ya perde el guia del trcicle si De Guzman.
Resulta, todol pasagero del tricycle inclujido el trsuper ya sale irido mientras dos destos ya muri.
El pulis ya nombra con el dos ya muri como canda Justin Perarin, 3, conquien ya declara declared dead on arrival na hospital mientras si Jovelyn Reyes Suico, 36, de barrio Siloh, Siay, Zamboanga Sibugay ya muri on the spot.
El otro maga irido amo canda; Jeneth Manso Atilano, 39; Adrian Manzo Atilano, 12, grade 7 student; Mica Manzo Atilano, 8, grade 4 student, todo de Lunzuran, Zamboanga City; Tresha Reyes Mendoza, 15, grade 10 student; Jenelyn Reyes Mendoza, 35, Teacher; Aila R. Suico, 3; Angel Mae R. Suico, todo maga de barangay Siloh Siay; Nicole Mendoza, 7,of barangay Poblacion, Siay; Janus Perarin, 7, of barangay Mahayahay, Siay, canila ya lleva na Kabasalan Pathfinder Hospital.
El tsuper del bus ya rendi mientras ambos maga vegiculo ya recuji na estacion del pulis.
