Bus drayber nga nakaligis patay sa 9 anyos gikatakdang mag-pyansa —PNP

Davao City- Napasang-at na ang kasong reckless imprudence resulting to homicide batok sa bus driver nga nakaligis patay sa 9 anyos nga estudyante sa may Quezon Boulevard ning syudad sa Davao.

Matud kang Police Major Marvin Hugos, San Pedro Police Station Commander, naka-detain pa karon sa ilahang custodial facility ang drayber nga si Efren Claud Cerona Jr.

Sumala ni Hugos, gikatakdang magpyansa sa drayber karong adlawa Lunes, Oktobre 2,2023 para sa temporaryo niining kagawasan.

Nidumili usab ang pamilya sa pag-areglo ug giduso gayod ang kaso batok kang Cerona.

Kahinumduman,sa interbyu sa RMN Davao kang Cerona nga nangayo kini’g pasaylo sa pamilya sa biktima tungod wala niini tuoya nga maligsan ang bata atol sa pagtabok niini sa pedestrian.

Sumala niini nga wala niya makita ang bata kinsa na-blind spot human nga adunay multicab nga nitabon samtang gatabok usab ang unang upat ka mga pedestrian.

Nanghinaot usab kini nga tabangan usab siya sa kumpanyang Metro Shuttle – Go Mindanao bus nga iyahang ginadrayban.

RadyoMaN Aimee Guinita