Davao City – Pursigido nga mopasaka og kaso ang pamilya sa 9 anyos estudyanteng babaye nga si alias “Jelyn” human nabanggaan og Metro Shuttle bus kagahapon sa hapon Siyeptembre 28,2023 sa Quezon Boulevard, Davao City segun sa San Pedro Police Station.
Sa interview sa DXDC RMN Davao kang Police Major Marvin Hugos, Hepe sa San Pedro Police Station, gibutyag niini nga desidido ang pamilya sa biktima nga mopasakag kaso batok sa drayber nga si Efren Cerona Jr.,43 anyos, taga Purok Bonifacio, Lunga-og, Sto. Tomas, Davao Del Norte.
“Wala may settlement nga nahitabo kay ni-attempt man og isturya kagabii ang bus company pero wala man,katungod sa ginikanan nga mao man ang ilang gusto ma-file ang kaso”,sulti ni Hugos.
Segun ni Hugos, karon adlawa, Siyeptembre 29,2023 i-inquest ang driver sa kasong Reckless Imprudence Resulting to Homicide.
RadyoMaN Don Pulayao
Facebook Comments
