Davao City – Wala pay nadawat nga order ang mga driver sa Davao Metro Shuttle bus gikan sa Land Transportation Franchising and Regulatory Board kun LTFRB XI kabahin sa gipatumang preventive suspension sa 34 ka bus nga nagabyahe sa North Bound sulod sa 30 ka adlaw tungod sa nahitabong road crash didto sa Nabunturan diin 7 ka pasahiro ang namatay ug 30 ang samaron.
Sa interview sa DXDC RMN Davao ngadto kang Ricky Gerona, Davao Metro Shuttle Bus driver, nga dako og epekto sa ilang panginabuhian ang maong order sa LTFRB-11.
Nanghinaot si Gerona nga dunggon sa kompanya ang ilang hangyo nga hatagan sila og sweldo sulod sa 30 diyas nga suspension.
Sa pikas bahin, miingon si Davao City Overland Transport Terminal (DCOTT) Aiza Yusop ang Officer In-charge nga kanunay kini nagalusad og surpresang inspection sa mga bus ug pagpailawom sa mga bus drivers og drug test alang sa luwas nga byahe.
RadyoMan Don Pulayao
