Davao City – Ginalimitahan sa unom ka oras ang maximum hours sa pagbyahe sa usa ka bus driver kung aduna kini lagyo nga destinasyon.
Kini ang subling pahinumdom ni Davao City Overland Transport Terminal (DCOTT) manager Aisa Usop atol sa eksklusibong pakighinabi kaniya diin siya mipasabot nga ang maong balaud presente na ilawom sa LTFRB Memorandum Circular 2017-012.
“After 6 hours kinahanglan aduna kini (ang operator) alternate nga driver,” segun niini.
Sa maong memorandum, ginalimitahan ang driving hours sa public utility drivers ngadto sa unom ka oras aron malikayan ang mga aksidente diin ginadili usab ang mga konduktor nga mamahimong alternate driver.
Adunay silot nga P5,000 sa first offense; P10,000 ug 30 days suspension sa ikaduhang offense ug 60 days suspension sa ikatulong offense.
RadyoMaN Jason Amisola
