Davao City – Gisugdan na og implementa sa mga bus sa Davao City Overland Transport Terminal kun DCOTT ang pagpatuman sa usbaw sa pletehan.
Kini ang gikumpirma ni DCOTT manager Aisa Yusop atol sa pakighinabi sa DXDC RMN Davao kaniya diin subay usab kini sa impormasyon gikan sa Southern Mindanao Bus Operators Association kun SYMBOA ubos usab sa Memorandum gikan sa Land Franchising and Regulatory Board kun LTFRB-XI diin anaa sa 10 ngadto sa 20 centavos ang gisaka sa pamasahe sa kilometer per distance.
Sumala ni Yusop nga niadtong Nobyembre 2, 2018 giimplementar ang usbaw sa pletehan sa mga bus sa national samtang niadtong Nobyembre 26 ning tuig gisugdan ang pagpatuman sa fare increase sa mga bus dinhi sa Mindanao gumikan sa recalibration nga gihimo.
Subay niini, makita sa mga gipaskil nga traffia sa LTFRB sulod mismo sa DCOTT ang mga pamasahe diin ang byahe sa non aircon regular nga bus gikan Davao to Gensan anaa sa 140 pesos, Davao to Malita 193.50, Davao to Cotaboto 364 pesos, Davao to Butuan 464 pesos ug uban pang byahe.
Bisan pa man sa pagtaas sa pamahase sa mga bus, lauman gihapon ang pagdagsa sa mga pasahero karong panahon sa pasko ug bag ong tuig gani andam na usab ang security forces sa terminal aron masigurong luwas ug hapsay ang pagbyahe sa mga muuliay karong umaabot nga nasangpit nga selebrasyon.
RadyoMaN Renz Barbarona
