Davao City – Nadala sa balay-tambalanan ang mga pasahero sa usa ka bus human na aksidente sa Brgy. Malinawon, Mawab, Compostela Valley, kagahapong adlawa.
Sumala sa report nga nahipos sa Mawab Municipal Police Station, nasayran nga naglawig ang usa ka metroshuttle bus gikan sa syudad sa Tagum padulong sa Veruela, Agusan Del Sur apan pag-abot sa nahisgutang lugar kalit nawad-an og control ang driver sa sakyanan hinungdan nga nabalintong kini ug miresulta sa pagkaangol sa mga pasahero.
Dali nga miresponde ang mga kapolisan ug mga sakop sa Municipal Disaster Risk Reduction Management Council (MDRRMC) ug daling gipangdala ang mga biktima sa nagkalainlaing tambalanan sa syudad sa Tagum.
Kasamtangang padayon pang ginaila sa awtoridad ang mga biktima sa maong aksidente ingon man ang pagsuta sa pagkabalintong sa maong bus.
RadyoMaN Juls Catisay
