Base sa report sa Davao City Police Office (DCPO), giila ang driver sa bus nga si Rico Pawail Nuñez, 43 anyos, residente sa Purok 1, Panongtongan, Tibungco. Samtang ang driver sa prime mover giila nga si Ernesto Nacua, 62 anyos, residente sa Dacudao, Agdao, ning dakbayan.
Sa inisyal nga imbestigasyon, nasayran nga ang duha ka sakyanan nagsubay sa Daang Maharlika Highway, partikular sa atubangan sa Lasang Overpass, gikan sa southbound padulong sa northbound. Atol sa pagmaniobra sa driver sa prime mover, aksidenteng nabanggaan niini ang tuo nga bahin sa likod sa bus.
Tungod sa insidente, ang duha ka sakyanan nakaangkon og kapin sa wala pa matino nga kantidad sa kadaut. Walay pasahero ang naangol ug sila gipabalhin dayon sa laing bus.
RadyoMan Don Pulayao
