Davao City – Adunay igong gibasihan kung nganong ilisan na sa syudad ang mode of public transportation gikan sa Public Utility Jeepney (PUJ) ngadto sa gitawag og High Priority Bus System (HPBS).
Sumala ni Commissioner Norman Baloro, HPBS Social Services Head, niadto pang tuig 2011 naghimo na’g pagtuon ug suvery alang niini ilabi na nga ang dakbayan naga-progress ug naga-develop na ug usa sa nakitang gibasihan mao ang nagkagrabeng hu-ot sa trapiko nga nanginahanglan nga gilayon masolusyonan.
Matud ni Baloro, maalibyohan na ang kahuot sa trapiko kung 1,000 bus units lamang ang mamasahero itandi sa 7,000 ka mga PUJs nga nagalawig sa kadalanan matag adlaw.
Samtang gipasabot usab ni Baloro nga dili usab pasagdan ang mga maapektohang PUJ drivers ug operators tungod kay dunay mga hinabang nga ihatag ngadto kanila ang gobyerno pinaagi sa Social Development Program packages ang syudad.
RadyoMaN Bernard Pantallon
